ტრამპმა არ გამორიცხა, რომ ირანული ნავთობის კონტროლი მოუნდება, „როგორც ვენესუელაში“

აშშ-ის პრეზიდენტმა დონალდ ტრამპმა ირანთან ომში არსებული მდგომარეობა ოპტიმისტურად შეაფასა და ივარაუდა, რომ, შესაძლოა, მოუნდეს აშშ-ის მიერ ირანული ნავთობით ვაჭრობაზე კონტროლის უზრუნველყოფა, „როგორც ვენესუელაში“.

Reuters-ის ცნობით, შესაბამისი კომენტარი მან ირლანდიაში, გოლფის ტურნირზე გააკეთა. კერძოდ, მან აღნიშნა, რომ ირანთან ომის დასრულებას წელს ელოდება, სავარაუდოდ კონგრესის შუალედური არჩევნების შემდეგ, და რომ ამის შემდეგ საწვავზე ფასები უნდა დაეცეს.

ტრამპმა ასევე აღნიშნა, რომ ომის დასრულების შესახებ მხოლოდ „სწორ“ შეთანხმებას დათანხმდება და არახელსაყრელ პირობებზე არ წავა. მისივე თქმით, „ითხოვს მოლაპარაკებებს“.

გარდა ამისა, ტრამპმა დაუშვა, რომ შეეცდება ნავთობით ვაჭრობის ნაკადებზე კონტროლის დამყარებას, „როგორც ვენესუელაში“.

„საბოლოო ჯამში გამოვალთ [ირანთან ომიდან], თუ რა თქმა უნდა არ გადავწყვეტთ დარჩენას და ნავთობის კონტროლს, როგორც ვენესუელაში“, - განაცხადა აშშ-ის პრეზიდენტმა და დასძინა, რომ ვენესუელის შემთხვევაში ამერიკულმა ჩარევამ „მრავალჯერად გაამართლა“.