წინასწარი მონაცემებით, შვედეთის საპარლამენტო არჩევნებში ოპოზიცია ლიდერობს

შვედეთში საპარლამენტო არჩევნებზე ხმების 94%-ის დათვლის შედეგებით ოპოზიციური პარტიები ლიდერობენ - ხმათა ყველაზე დიდ რაოდენობას სოციალ-დემოკრატები იღებენ, რომლებსაც მაგდალენა ანდერსონი ხელმძღვანელობს.

მედიის ცნობით, ჯერჯერობით გაურკვეველია შეძლებენ თუ არა სოციალ-დემოკრატები მთავრობის ფორმირებას - პარტია ხმათა 28,1%-ით ლიდერობს.

მეორე ადგილზეა მოქმედი პრემიერის, ულფ კრისტერსონის „ზომიერები“, 19,9%-ით, მესამე ადგილზე აკი მემარჯვენე-პოპულისტი „შვედი დემოკრატები“ გადიან 17,6%-ით.

შემდეგი პოზიციები დაიკავეს: მემარცხენე პარტიამ (8,2%), ცენტრისტებმა (7,1%), ქრისტიან-დემოკრატებმა (6,2%), „მწვანეთა პარტიამ“ (6,1%) და ლიბერალებმა (5,4%).

ხმათა ასეთი გადანაწილების პირობებში, ანდერსონი სავარაუდო კოალიციურ პარტნიორებთან (ცენტრისტებთან, მწვანეებთან და მემარცხენეებთან) ერთად პარლამენტში 176 მანდატს მიიღებს, მოქმედი კოალიციის პარტიები „შვედ დემოკრატებთან“ ერთად 173-ს.

რამდენიმე თვის წინ სოციოლოგიური გამოკითხვები ოპოზიციის უფრო დაჯერებულ გამარჯვებას პროგნოზირებდნენ, თუმცა ბოლო პერიოდში პოტენციურ ოპოზიციურ ბლოკსა და Tidö-ს პარტიებს შორის სხვაობამ შემცირება დაიწყო.