The Telegraph: შოტლანდიის, უელსისა და ჩრდილოეთ ირლანდიის ლიდერები ხვალ დიდი ბრიტანეთიდან გასვლაზე იმსჯელებენ

შოტლანდია, უელსი და ჩრდილოეთ ირლანდია დიდი ბრიტანეთიდან გასვლაზე ალაპარაკდნენ. The Telegraph-ი წერს, რომ სამივე ქვეყნის მთავრობების მეთაურები ხვალ კარდიფში შეხვედრასა და გასვლის უფლებაზე მსჯელობას გეგმავენ.

გამოცემის ცნობით, შეხვედრაზე შეთანხმების გაფორმებაც იგეგმება, რომელიც დამოუკიდებლობის საკითხზე რეფერენდუმის ჩატარებას ითვალისწინებს. შეხვედრა მას შემდეგ დაიგეგმა, რაც ბრიტანეთის პრემიერმა ენდი ბერნემმა პარლამენტარებს მიანიშნა, რომ შოტლანდიის კიდევ ერთი რეფერენდუმის ჩატარებას იმ შემთხვევაში დართავდა ნებას, თუ ამის ირგვლივ „მკაფიო კონსენსუსი“ ჩამოყალიბდებოდა.

სამიტამდე 2 დღით ადრე კი, აშშ-ის პრეზიდენტმა დონალდ ტრამპმა განაცხადა, რომ „დიდი სიამოვნებით“ იხილავდა გაერთიანებულ ირლანდიას. შაბათს, დუბლინში ვიზიტისას, მან აღნიშნა, რომ ჩრდილოეთ ირლანდიის მიერ რესპუბლიკასთან შეერთება „მშვენიერი რამ“ იქნებოდა და იკითხა: „ეს ცუდი როგორ შეიძლება იყოს?“