გერმანული მედია: ლაიპციგის აეროპორტზე აგვისტოს დასაწყისში ჩაშლილი თავდასხმის უკან რუსეთი დგას

ლაიპციგის აეროპორტზე აგვისტოს დასაწყისში ჩაშლილი თავდასხმის უკან რუსეთის დაზვერვის მთავარი სამმართველოს ჯაშუშები დგანან, - წერს გერმანული მედია სადაზვერვო წყაროზე დაყრდნობით. მათი ცნობით, თავდასხმის მცდელობისას ოპერატიულ ლოგისტიკაზე პასუხისმგებელი იყო ადამიანი, რომელსაც რუსეთის სამხედრო დაზვერვის სამსახურთან დადასტურებული კავშირები ჰქონდა.

ამავე წყაროების ცნობით, გერმანიის ხელისუფლებამ კავშირების შესახებ იცოდა მაშინ, როდესაც დამნაშავე თურქეთიდან ქვეყანაში შევიდა, თუმცა ჩასვლის შემდეგ მასზე თვალთვალი არ განხორციელებულა. ინციდენტი ლაიპციგ-ჰალეს აეროპორტში, უკრაინისთვის განკუთვნილი სამხედრო დახმარების გამანაწილებელ ცენტრში 4 აგვისტოს საღამოს მოხდა.