Euractiv: ევროკავშირის დიპლომატიური სამსახურის ირგვლივ შექმნილი კრიზისი გეოპოლიტიკური ვითარების ცვლილებამ გამოიწვია

გამოცემა Euractiv-ის ინფორმაციით, ევროკავშირის დიპლომატიური სამსახურის ირგვლივ შექმნილი კრიზისი გეოპოლიტიკური ვითარების ცვლილებამ გამოიწვია.

საგარეო საქმეთა და უსაფრთხოების პოლიტიკის უმაღლესი წარმომადგენლის კაია კალასის განცხადებით, უწყებაზე წნეხის გაზრდა გლობალური წესრიგის ტრანსფორმაციის შედეგია.

დიპლომატებთან დახურულ შეხვედრაზე კალასმა აღნიშნა, რომ საერთაშორისო ვითარება სულ უფრო რთულდება, რაც ინსტიტუციურ გამოწვევებზეც აისახება.

ევროკავშირის მთავარი დიპლომატი ეწინააღმდეგება გერმანიის მიერ მხარდაჭერილ ინიციატივას, რომელიც ევროპის საგარეო ქმედებათა სამსახურის ლიკვიდაციასა და ევროკომისიისთვის მის დაქვემდებარებას ითვალისწინებს.