მედია: კიევზე რუსეთის დრონებით თავდასხმის შედეგად 8 ადამიანი დაშავდა

რუსეთმა 11 სექტემბრის ღამეს კიევზე დრონებით იერიში მიიტანა. თავდასხმის შედეგად დაზიანდა საცხოვრებელი კორპუსი და სულ მცირე 8 ადამიანი დაშავდა, იუწყება უკრაინული მედია.

უკრაინის სამხედრო-საჰაერო ძალების ინფორმაციით, რუსეთის ძალებმა ღამით უკრაინის მიმართულებით სულ მცირე 66 დრონი გაუშვეს, მათ შორის 50-ზე მეტი „შაჰედის“ ტიპის დრონი. უკრაინის თავდაცვის ძალებმა 62 დრონის ჩამოგდება ან ჩახშობა შეძლეს, ოთხი დრონი კი სამ ლოკაციას მოხვდა.

კიევის საქალაქო სამხედრო ადმინისტრაციის ინფორმაციით, რვა ადამიანი დაშავდა კიევის დნიპროვსკის რაიონში, სადაც რუსეთის თავდასხმის დროს ცეცხლი ცხრასართულიან საცხოვრებელ კორპუსს გაუჩნდა.

თავდასხმის შედეგად მიყენებული ზარალის სრული მასშტაბი ამ დროისთვის უცნობია.

კიევზე რუსეთის უახლესი იერიში ქალაქზე თავდასხმების ახალი ტალღის ფონზე განხორციელდა. თავდასხმები ხანმოკლე პაუზის შემდეგ განახლდა, რომელიც აშშ-ის პრეზიდენტის სპეციალური წარმომადგენლის, სტივ უიტკოფის, და ჯარედ კუშნერის კიევში ვიზიტს უკავშირდებოდა, წერს მედია.

რუსეთმა კიევზე იერიშები 7 სექტემბერს, აშშ-ის წარმომადგენლების უკრაინიდან გამგზავრების შემდეგ მალევე განაახლა. 8 სექტემბერს რუსეთმა კიევზე მასშტაბური სარაკეტო და დრონებით თავდასხმა განახორციელა, რასაც ხუთი ადამიანი ემსხვერპლა, 35 კი დაშავდა.