უკრაინის სახელმწიფო სასაზღვრო სამსახური: რუსეთსა და ბელარუსთან საზღვრის გასწვრივ მდებარე ერთკილომეტრიან ზოლში სპეციალური სასაზღვრო რეჟიმი დაწესდა

რუსეთსა და ბელარუსთან საზღვრის გასწვრივ მდებარე ერთკილომეტრიან ზოლში სპეციალური სასაზღვრო რეჟიმი დაწესდა. ამის შესახებ უკრაინის სახელმწიფო სასაზღვრო სამსახურმა განაცხადა.

განცხადებაში აღნიშნულია, რომ სამხედრო მდგომარეობის მოქმედების პერიოდში, რუსეთის ფედერაციასა და ბელარუსთან სახელმწიფო საზღვრის გასწვრივ, 1 კილომეტრის სიგანის ზოლში სპეციალური სასაზღვრო რეჟიმი წესდება.

აღნიშნულ ტერიტორიაზე აკრძალულია პირთა თავისუფალი შესვლა, ყოფნა, ცხოვრება და გადაადგილება, ასევე ისეთი სამუშაოების ჩატარება, რომლებიც დაკავშირებული არ არის უკრაინის წინააღმდეგ შეიარაღებული აგრესიის მოგერიებასთან, თავდაცვასთან ან სახელმწიფო საზღვრის დაცვასთან.

დაწესებული შეზღუდვები ვრცელდება ყველა მიწის ნაკვეთზე, რომელიც შედის სახელმწიფო საზღვრის გასწვრივ განსაზღვრულ ერთკილომეტრიან ზოლში.