მოლდოვის მთავრობა ადასტურებს, რომ კიშინიოვის აეროპორტიდან ვოლოდიმირ ზელენსკის თვითმფრინავის აფრენა დრონმა შეაყოვნა

მოლდოვის მთავრობა ადასტურებს, რომ კიშინიოვის აეროპორტიდან უკრაინის პრეზიდენტის ვოლოდიმირ ზელენსკის თვითმფრინავის აფრენა, დრონმა შეაყოვნა. ინფორმაციას მოლდავური მედია ავრცელებს.

ოფიციალური კიშინიოვის განმარტებით, რეისი პრევენციის გამო გადაიდო.

ზელენსკის ადმინისტრაციაში გადაჭარბებული შეფასება უწოდეს ნორვეგიის პრემიერ-მინისტრის იონას გარ სტორეს განცხადებას, რომ უკრაინის პრეზიდენტის თვითმფრინავი დრონთან შეჯახებას გადაურჩა.

მოლდოვის პოლიციის ცნობით, რუსული წარმოების დრონი აეროპორტიდან 160 კილომეტრის დაშორებით, ჩამოვარდა. აეროპორტი კი დრონის მიერ მოლდოვის საჰაერო სივრცის დარღვევისთანავე დაკეტეს.