ევროკავშირი გმობს ტრამპის გადაწყვეტილებას, რომ მიმოსვლის აკრძალვა ცალმხრივად, კონსულტაციის გარეშე მიიღო

ევროკავშირი გმობს აშშ-ის პრეზიდენტის გადაწყვეტილებას ევროპასთან მიმოსვლის შეჩერების თაობაზე. ამის შესახებ ნათქვამია ევროკაშირის განცხადებაში.

„კორონავირუსი გლობალური კრიზისია, რომელიც არ შემოიფარგლება რომელიმე კონტინენტით. ის თანამშრომლობას მოითხოვს და არა ცალხმრივ ქმედებებს. ევროკავშირი გმობს იმ ფაქტს, რომ აშშ-მა მიმოსვლის აკრძალვა ცალმხრივად, კონსულტაციის გარეშე მიიღო. ევროკავშირი მძლავრ ზომებს იღებს ვირუსის გავრცელების შესაზღუდად“, - ნათქვამია განცხადებაში.

აშშ-ის პრეზიდენტმა, დონალდ ტრამპმა აშშ-ში ევროპიდან ქვეყნებიდან ფრენებზე შეზღუდვები დღეს დააწესა.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.

მართალია თუ არა, რომ კორონავირუსმა უხანის სამეცნიერო ლაბორატორიიდან გაჟონა? ამ ბმულზე ნახეთ.

რა უნდა ვიცოდეთ პანდემიის შესახებ, წაიკითხეთ აქ.