თბილისის ოპერისა და ბალეტის თეატრი საერთაშორისო კონკურსს - „ოპერა ქრაუნს" მასპინძლობს

თბილისის ოპერისა და ბალეტის თეატრი საერთაშორისო კონკურსს „ოპერა ქრაუნს" მასპინძლობს. კონკურსში 24 ქვეყნიდან 55 ახალგაზრდა ოპერის მომღერალი მონაწილეობს.

კონკურსი სამ ტურს მოიცავს და მონაწილეებს საერთაშორისო ჟიური შეაფასებს. გამარჯვებულებს ფულადი პრიზები გადაეცემათ. კონკურსის დასკვნითი ეტაპი საზეიმო გალა კონცერტით დასრულდება, რომელიც 15 ნოემბერს გაიმართება.

ღონისძიება თბილისის მერიისა და კულტურის სამინისტროს მხარდაჭერით ჩატარდება.