რუსთაველის ეროვნულ თეატრში, „თბილისის ბაროკო ფესტივალის“ ფარგლებში, კონცერტი „ქართული და ევროპული ძველი მუსიკა“ გაიმართა

კულტურის სამინისტროს მხარდაჭერით, რუსთაველის ეროვნულ თეატრში, „თბილისის ბაროკო ფესტივალის“ ფარგლებში, კონცერტი „ქართული და ევროპული ძველი მუსიკა“ გაიმართა.

ღონისძიება საქართველოში ქრისტიანობის სახელმწიფო რელიგიად გამოცხადების 1700 წლისთავს მიეძღვნა. საკონცერტო პროგრამაში წარმოდგენილი იყო ანტონიო ვივალდისა და იან დისმას ზელენკას ნაწარმოებები, ასევე ქართული ტრადიციული სიმღერები და საგალობლები.

კონცერტი „ქართული და ევროპული ძველი მუსიკა“ ქართული ფოლკლორისა და ევროპული მუსიკის სინთეზია, რაც კიდევ ერთხელ უსვამს ხაზს ქართული მრავალხმიანობის უნიკალურობას, რომელიც მსოფლიო მუსიკალური კულტურის მნიშვნელოვანი ნაწილია.