კანადაში ფილმიდან „მარტო სახლში 2“ ტრამპის მონაწილეობით სცენა ამოჭრეს

აშშ-ის პრეზიდენტი დონალდ ტრამპი კანადაში ფილმიდან „მარტო სახლში 2“ მისი მონაწილეობით გადაღებული სცენის ამოჭრას გამოეხმაურა.

პრეზიდენტმა გააზიარა Twitter-ზე ტელეარხ FOX 13-ის პოსტი, რომელშიც კანადური ტელეკომპანია CBC-ის ეთერში ტრამპის მონაწილეობით სცენის ამოჭრაზე იყო საუბარი.

„ალბათ, ჯასტინ ტრიუდოს არ მოსწონს, რომ მე ნატოს წევრობისთვის ან ვაჭრობისთვის მას ფულის გადახდას ვაიძულებ. ფილმი აღარ იქნება ისეთი, როგორიც იყო (ვხუმრობ)“, - წერს ტრამპი.

ფილმი „მარტო სახლში 2“ 1992 წლის ნოემბერში გამოვიდა და მასში დონალდ ტრამპი ეპიზოდურ როლს ასრულებს.