მაია ცქიტიშვილი "ღია ეთერში"

ნებისმიერი ქმედება, რომელიც დაკავშირებულია ვირუსის მართვასთან ყოველთვის ეყრდნობა იმ სტატისტიკური მონაცემების ზუსტ ანალიზს, რომელიც ამა თუ იმ დროის მონაკვეთში არსებობს. ჩვენ შესაძლოა დაგვჭირდება დამატებითი ღონისძიებების მიღება, ეს ყველაფერი დამოკიდებულია იმაზე თითოეული ჩვენგანი როგორ დაიცავს რეკომენდაციებს, - ამის შესახებ ვიცე-პრემიერმა, რეგიონული განვითარებისა და ინფრასტრუქტურის მინისტრმა, მაია ცქიტიშვილმა „ღია ეთერში“ ისაუბრა.

„როგორც საქართველო დამოუკიდებლად ვერ დაამარცხებს პანდემიას, ასევე მთავრობა დამოუკიდებლად ვერ გაუმკლავდება ვირუსს. ეს არის დაავადება, ეს არის პანდემია, ვირუსის გავრცელება, რომელიც ეხება უკლებლივ ყველას. როდესაც ვსაუბრობთ ვირუსის მართვაზე, რა თქმა უნდა, მთავრობას წამყვანი როლი აქვს, მთავრობა განსაზღვრავს პოლიტიკას, მაგრამ ამ პოლიტიკის ფარგლებში ცხადია, თითოეულ მოქალაქეს, თითოეულ ბიზნეს სუბიექტს აქვს თავისი წვლილი. ჩვენზეა დამოკიდებული, რამდენად ზუსტად, რამდენად თანმიმდევრულად დავიცავთ ყველა რეგულაციას, ყველა წესს, რომელიც გვეხმარება ვირუსის მართვაში და ამაზე იქნება დამოკიდებული ჩვენი წარმატებაც. ხშირად გვესმის სპეციალისტებისგან, რომ პირბადე არის ერთ-ერთი ყველაზე ეფექტური საშუალება, პირბადეების მოხმარება საზოგადოებაში თუ გაიზრდება მნიშვნელოვნად 95%-მდე ეს 70%-მდე ანელებს ვირუსის გავრცელებას. ბევრად უფრო ნაკლები შეზღუდვის დაწესებაა საჭირო ამ დროს. ეს არის ძალიან კომპლექსური საგანი, კომპლექსური თემა. ნებისმიერი შეზღუდვა, რეგულაცია არ შეიძლება განხილული იყოს ცალკე - უნდა მივიღოთ კომპლექსური ზომები“, - განაცხადა ცქიტიშვილმა.