ჩინეთთან სავაჭრო დაძაბულობისა და სავარაუდო შეზღუდვების რისკის გამო, გერმანული მრეწველობა იშვიათი ლითონების მარაგს დაჩქარებული ტემპით ავსებს

ჩინეთთან სავაჭრო დაძაბულობისა და სავარაუდო შეზღუდვების რისკის გამო, გერმანული მრეწველობა იშვიათი ლითონების მარაგს დაჩქარებული ტემპით ავსებს. პოლიტიკოს ცნობით, გერმანული კომპანიები შიშობენ, რომ მომავალ თვეში ევროკავშირსა და ჩინეთს შორის სავაჭრო მოლაპარაკებების წარუმატებლობის შემთხვევაში პეკინმა შესაძლოა მათი ექსპორტი შეზღუდოს. ბრიუსელსა და პეკინს შორის ეკონომიკური დაპირისპირების ფონზე, ევროკომისია სტრატეგიული დამოკიდებულების შემცირებას ცდილობს, თუმცა ბიზნესსექტორის თქმით, პეკინის საპასუხო ნაბიჯებმა შესაძლოა ელექტრომობილების, განახლებადი ენერგიისა და თავდაცვის ინდუსტრია დააზარალოს.