„მისტერ ოფშორის“ ტრანსნაციონალური დანაშაულის საქმეში, პირდაპირი მტკიცებულება - მოტყუებული ევროპელი პენსიონერების ფული დავით კეზერაშვილის და მისი ნათესავების საბანკო ანგარიშებზეა
მისტერ ობშორის ტრანსნაციონალური დანაშაულის საქმეში, პირდაპირი მტკიცებულება. მოტყუებული ევროპელი პენსიონერების ფული დავით კეზერაშვილის და მისი ნათესავების საბანკო ანგარიშებზეა. ტრანსნაციონალური დანაშაულის გამოძიების ფარგლებში დაკავებულებს სასამართლომ აღმკვეთი ღონისძიების სახით პატიმრობა შეუფარდა. სასამართლო პროცესზე ოთხი პირი გამოცხადდა, სამს კი ბრალი დაუსწრებლად წარედგინა. მათ შორისაა ერთ-ერთი ბრალდებული თემურ ჯანაშვილი, რომელმაც ერთი მილიონი დოლარის ოდენობით ჩარიცხვები განახორციელა საქართველოს ყოფილი თავდაცვის მინისტრის, დავით კეზერაშვილის, მისი დის და დისშვილის პირად საბანკო ანგარიშებზე. სწორედ კეზერაშვილთანაა დაკავშირებული „ბიბისის“ გამოძიება და ეგრეთ წოდებული ქოლ-ცენტრების საქმე, რომელსაც მსოფლიო მასშტაბით ათეულობით დამნაშავე ჰყავს. წარდგენილი ბრალი 9-დან 12-წლამდე თავისუფლების აღკვეთას ითვალისწინებს