რექტორთა კონფერენცია
განათლებისა და მეცნიერების მინისტრის ხელმძღვანელობით, საქართველოს ტექნიკურ უნივერსიტეტში, რექტორთა კონფერენცია გაიმართა. მინისტრმა უმაღლესი განათლების სფეროში არსებული გამოწვევები და სხვადასხვა აქტუალური საკითხი განიხილა. მათ შორის, საუბარი შეეხო უმაღლესი განათლების კუთხით საკანონმდებლო ცვლილების პაკეტს, საქართველოში უცხოელი სტუდენტების მოზიდვასა და 3-წლიანი საბაკალავრო პროგრამების შემუშავებას. რექტორთა კონფერენციის დაწყებამდე გიორგი ამილახვარმა სამუშაო შეხვედრა გამართა ტექნიკური უნივერსიტეტის აკადემიურ პერსონალთან, აკადემიური საბჭოს წევრებთან, სხვადასხვა ფაკულტეტის დეკანებთან, სამეცნიერო ინსტიტუტების დირექტორებთან და უნივერსიტეტის ადმინისტრაციის წარმომადგენლებთან.