მედია: ჯორჯინა როდირგესმა კრიშტიანუ რონალდუს უფროსი ბავშვები იშვილა

ქორწილიდან სულ რაღაც ათი დღის შემდეგ, კრიშტიანუ რონალდუს ოჯახში კიდევ ერთი სერიოზული ცვლილება მოხდა. პორტუგალიური მედიის ცნობით, ჯორჯინა როდრიგესმა ფეხბურთელის სამი უფროსი შვილი ოფიციალურად იშვილა.

საუბარია 16 წლის კრიშტიანუ-უმცროსსა და 9 წლის ტყუპებზე - ევასა და მათეოზე, რომლებიც პორტუგალიელ ფეხბურთელს სუროგაციის გზით გაუჩნდა. გავრცელებული ინფორმაციით, საბუთების გაფორმების შემდეგ ჯორჯინა იურიდიულად მათ დედად ითვლება. აქამდე სამივე ბავშვზე მშობლის პასუხისმგებლობა ოფიციალურად მხოლოდ რონალდუს ეკისრებოდა.

მედიაში წერენ, რომ ოჯახისთვის ეს უფრო იმ ურთიერთობების იურიდიული გამყარებაა, რაც რეალობაში დიდი ხანია არსებობდა. ჯორჯინა რონალდუსთან ერთად 2016 წლიდან არის, ევასა და მათეოს ფაქტობრივად ჩვილობიდან ზრდიდა, კრიშტიანუ-უმცროსს კი 6 წლის ასაკიდან. წყვილს ორი საერთო ქალიშვილიც ჰყავს - 8 წლის ალანა და 4 წლის ბელა.

რონალდუმ და როდრიგესმა 11 აგვისტოს - გაცნობიდან ზუსტად 10 წლის თავზე იქორწინეს. მათ კაშკაიშში მდებარე საკუთარი სახლის მისაღებ ოთახში, შვილებისა და რამდენიმე მოწმის თანდასწრებით, ძალიან მოკრძალებული ცერემონია მოაწყვეს.