სანდრო ბაზაძე საერთაშორისო ტურნირ „სატელიტის“ გამარჯვებულია

ხმლით მოფარიკავე სანდრო ბაზაძე ბულგარეთის დედაქალაქ სოფიაში გამართული საერთაშორისო ტურნირის, „სატელიტის“ გამარჯვებულია.

შეჯიბრების ფინალში ქართველმა მოფარიკავემ ამერიკელი ბენ ავრამი 15:9 დაამარცხა და ოქროს მედალი მოიპოვა.

ეს ტურნირი ახალ სპორტულ სეზონში პირველი იყო და მასში 102 სპორტსმენი მონაწილეობდა.