თბილისის ზღვაზე წყლის სპორტის მასშტაბური ღონისძიება - „დრაგონ ბოუტი“ თბილისი 2026 გაიმართა

თბილისის ზღვაზე წყლის სპორტის მასშტაბური ღონისძიება - „დრაგონ ბოუტი“ თბილისი 2026 გაიმართა. ჩემპიონატი თბილისის კანოესა და ნიჩბოსნობის ფედერაციის ორგანიზებითა და თბილისის მერიის მხარდაჭერით ჩატარდა.

ტურნირში 200-ზე მეტი ნიჩბოსანი მონაწილეობდა, რომლებიც 10 სხვადასხვა გუნდში იყვნენ გადანაწილებული. ტურნირზე ერთმანეთს კერძო სექტორის, უნივერსიტეტებისა და მოყვარულთა გუნდები შეეჯიბრნენ.

პროექტის მთავარი მიზანი საქართველოში „დრაგონ ბოუტის“ პოპულარიზაცია, ჯანსაღი ცხოვრების წესის წახალისება და თბილისის საერთაშორისო სპორტულ რუკაზე დამკვიდრებაა. დაგეგმილია, რომ აღნიშნული ფესტივალი დედაქალაქის ყოველწლიურ ტრადიციულ ღონისძიებად იქცეს.