წყალბურთის ჩემპიონთა ლიგის საკვალიფიკაციო ეტაპზე „აპოლომ“ „ბუდვა“ ანგარიშით 19:16 დაამარცხა

საქართველოს სპორტის მინისტრი შალვა გოგოლაძე თბილისში მიმდინარე წყალბურთის ჩემპიონთა ლიგის საკვალიფიკაციო ეტაპზე „აპოლოსა“ და „ბუდვას“ შორის გამართულ მატჩს დაესწრო. მატჩი ქართული კლუბის - „აპოლოს“ გამარჯვებით, ანგარიშით 19:16 დასრულდა.

სპორტის სამინისტროს ინფორმაციით, ქართული კლუბი „აპოლო“ შემდეგ შეხვედრას 19 სექტემბერს იტალიის კლუბ „ბრეშის“ წინააღმდეგ გამართავს.

„აპოლოსა“ და „ბუდვას“ შორის გამართულ მატჩს სპორტის მინისტრის პირველი მოადგილე ირაკლი მეძმარიაშვილი, მოადგილე ირაკლი დოლაბერიძე, საქართველოს საწყლოსნო სახეობათა ფედერაციის პრეზიდენტი დიმიტრი აბდუშელიშვილი და სახელმწიფო დაცვის სპეციალური სამსახურის უფროსი, გენერალ-ლეიტენანტი ანზორ ჩუბინიძე ესწრებოდნენ.

ჩემპიონთა ლიგის საკვალიფიკაციო ეტაპი თბილისის „ოლიმპიკის“ აუზზე 18 სექტემბრიდან 20 სექტემბრის ჩათვლით გაიმართება.