მირჩა ლუჩესკუ ჩემპიონთა ლიგის ისტორიაში ყველაზე ასაკოვანი მწვრთნელია

მირჩა ლუჩესკუ ჩემპიონთა ლიგის ისტორიაში ყველაზე ასაკოვანი მწვრთნელია, - ამის შესახებ ინფორმაციას DigiSport-ი ავრცელებს.

75 წლის რუმინელის მომზადებულმა კიევის „დინამომ“, „გენტი“ ორი შეხვედრის ჯამში 5:1 დაამარცხა და ლიგის ჯგუფურ ეტაპზე ოთხწლიანი პაუზის შემდეგ მოხვდა.

გუშინ, ფლეი-ოფის საპასუხო შეხვედრაში უკრაინელებმა ბელგიელები 3:0 დაამარცხეს, სტუმართა ქართველ ლეგიონერს გიორგი ჩაკვეტაძეს კი არ უთამაშია.

რაც შეეხება ლუჩესკუს, მან იუპ ჰაინკესის რეკორდი დაამხო, რომელიც „ბაიერნს“ ევროპის უპრესტიჟულეს საკლუბო ტურნირზე სამი წლის წინ, 72 წლის ასაკში ხელმძღვანელობდა.