პედიატრი მაია ჩხაიძე: ნოროვირუსი ძირითად შემთხვევებში გართულებების გარეშე მიმდინარეობს. როგორც წესი, 3 დღეში პაციენტი კარგად ხდება

პედიატრ მაია ჩხაიძის თქმით, ​ნოროვირუსი ძირითად შემთხვევებში გართულებების გარეშე მიმდინარეობს.

როგორც მან აღნიშნა, აღსაზრდელების უმრავლესობა, რომლებსაც ვირუსი დაუდასტურდათ, უკვე გამოჯანმრთელდნენ.

„ვირუსის გადაცემა დახურულ სივრცეებში, ბაღისა და სასკოლო ოთახებში, მარტივად ხდება. ამ ვირუსს მძიმე მიმდინარეობა არ ახასიათებს. როგორც წესი, 3 დღეში პაციენტი კარგად ხდება.

ჩვენს კლინიკაში ყველაზე მეტი პაციენტი გატარდა და ყველასთან იყო მსუბუქად გამოხატული კლინიკური ნიშნები. 24 საათში, პრაქტიკულად, ყველა შინ გაეწერა“, - აღნიშნა ჩხაიძემ.