ჯაბა სამუშია: ყველა ის მთავარი საკითხი, რომელიც არის გადამწყვეტი საქართველოს ისტორიაში, სახელმძღვანელოში შესულია

ყველა ის მთავარი საკითხი, რომელიც არის გადამწყვეტი საქართველოს ისტორიაში, სახელმძღვანელოში შესულია, - განაცხადა თბილისის სახელმწიფო უნივერსიტეტის რექტორმა ჯაბა სამუშიამ ახალი სასკოლო სახელმძღვანელოს გარშემო აგორებულ ბრალდებებზე საუბრისას.

მისივე თქმით, ფაქტია, რომ მთელი ორი დღის მანძილზე ქართულ საზოგადოებას ატყუებდნენ.

„ფაქტია, რომ მთელი ორი დღის მანძილზე ქართულ საზოგადოებას ატყუებდნენ და ეუბნებოდნენ, რომ ისეთი მნიშვნელოვანი საკითხები საქართველოს ისტორიისა, როგორიც არის მე-19 საუკუნის პირველი მესამედი და ქართველი ხალხის ბრძოლა რუსეთის იმპერიის წინააღმდეგ, თურმე ამ წიგნში შესული არ არის, არა და მე შემიძლია წარმოგიდგინოთ მთელი ერთი დიდი თავი ეთმობა აღნიშნულ საკითხს“, - აღნიშნა ჯაბა სამუშიამ.

ახალი სასკოლო სახელმძღვანელოს გარშემო აგორებულ ბრალდებებს ავტორთა გუნდი პასუხობს. სოციალურ სივრცეში გავრცელებულ ცნობებს, თითქოს წიგნიდან საბჭოთა ოკუპაციის პერიოდია ამოღებული, გიორგი კალანდია მიზანმიმართულ ცრუ კამპანიას უწოდებს.