თამარ მახარაშვილი: აჭარაში წლის ბოლომდე 20 სკოლის მშენებლობა-რეაბილიტაცია დასრულდება, 2027 წელს 7 ახალი სკოლა აშენდება, 20 სკოლაში კი პროცესი დაიწყება

საქართველოს განათლების, მეცნიერებისა და ახალგაზრდობის მინისტრის მოადგილემ თამარ მახარაშვილმა სკოლების რებილიტაციასა და მშენებლობაზე „დღის ქრონიკაში“ ილაპარაკა.

მისივე თქმით, 2026 წლის დასაწყისში 30 სკოლის მშენებლობა-რეაბილიტაცია დასრულდა.

„600-ზე მეტ სკოლაში მცირე ან ნაწილობრივი სამუშაოებია ჩატარებული, 25 სკოლის მშენებლობა-რეაბილიტაცია წლის ბოლომდე დასრულდება,

მინდა ცალკე აღვნიშნო აჭარის თემა. ამ მხრივ აჭარაში ძალიან დიდი აღმშენებლობა მიმდინარეობს. წლის ბოლომდე 20 სკოლის მშენებლობა-რეაბილიტაცია დასრულდება, 2027 წელს 7 ახალი სკოლა აშენდება და 20 სკოლაში პროცესი დაიწყება.

სისტემაში გვაქვს 2085 სკოლა და სკოლების უმრავლესობას სჭირდება ან სრული რეაბილიტაცია, ან ნაწილობრივი რეაბილიტაცია, ვიცით, რომ არის ბევრი სკოლა, სადაც მრავალი წელია ეს პროცესი ვერ დასრულდა, ამიტომ ინფრასტრუქტურისა და განათლების სამინისტროს ცალკე კომისია გვაქვს შექმნილი, სადაც სათითაოდ გავდივართ ყველა სკოლის საკითხს. პრიორიტეტები განსაზღვრულია“, - აღნიშნა მინისტრის მოადგილემ.