ზაფხულის პერიოდში საქართველოს დაცული ტერიტორიების მიმართ საერთაშორისო ვიზიტორების ინტერესი გაიზარდა

2026 წლის ზაფხულის სამი თვის განმავლობაში საქართველოს დაცულ ტერიტორიებზე საერთაშორისო ვიზიტორების რაოდენობა, გასული წლის ანალოგიურ პერიოდთან შედარებით, 5%-ით გაიზარდა, - ინფორმაციას დაცული ტერიტორიების სააგენტო ავრცელებს.

უწყების ცნობით, 2026 წლის 8 თვის მონაცემებით, საქართველოს დაცულ ტერიტორიებზე ჯამში 849 448 ვიზიტორი აღირიცხა, მათ შორის 505 209 საერთაშორისო სტუმარი.

„ვიზიტორების რაოდენობით ყველაზე პოპულარულ დაცულ ტერიტორიებს პრომეთეს მღვიმე, მარტვილის კანიონი, მტირალას ეროვნული პარკი, სათაფლია და ოკაცეს კანიონი წარმოადგენს. აღნიშნულ ხუთ დაცულ ტერიტორიაზე ჯამურად ვიზიტორთა 68% აღირიცხა.

ზაფხულის სეზონზე დაცულ ტერიტორიებზე ვიზიტორთა გაზრდილი ნაკადი კიდევ ერთხელ მიუთითებს საქართველოში ეკოტურიზმის მზარდ ინტერესზე. დაცული ტერიტორიების სააგენტო განაგრძობს ტურისტული ინფრასტრუქტურის გაუმჯობესებასა და ახალი ეკოტურისტული მიმართულებების განვითარებას, რათა სტუმრებს მეტი შესაძლებლობა ჰქონდეთ, ბუნებრივ გარემოში მოგზაურობისა და სხვადასხვა ტურისტული აქტივობით სარგებლობისთვის“, - აღნიშნულია გავრცელებულ ინფორმაციაში.