თბილისის საქალაქო სასამართლოში სიძულვილის ენის საქმის ორი ეპიზოდი განიხილეს - საქმის სარეზოლუციო ნაწილი 25 ოქტომბერს გამოცხადდება

თბილისის საქალაქო სასამართლოში სიძულვილის ენის საქმის ორი ეპიზოდი განიხილეს. ორივე ეპიზოდი სოციალურ ქსელში შეურაცხყოფას ეხება. პროცესზე მტკიცებულებები განიხილეს. საქმის სარეზოლუციო ნაწილი 25 ოქტომბერს გამოცხადდება.

„განხილული იყო ყველა შესაბამისი მტკიცებულება, რომელიც ადასტურებს ბატონი ზაურ ხატიაშვილის მხრიდან სავარაუდო სამართალდარღვევის ჩადენის ფაქტს. სალომე არაბულის მიმართ სამართალდარღვევის ოქმი შედგენილი იყო ასევე 166-ე მუხლის პირველი ნაწილის საფუძველზე, მან საჯარო სივრცეში მიაყენა შეურაცხყოფა ლალი მოროშკინას. შესაბამისი მტკიცებულებები წარმოუდგინეს თბილისის საქალაქო სასამართლოს," - განაცხადა შინაგან საქმეთა სამინისტროს წარმომადგენელმა სასამართლო პროცესის შემდეგ.