გიგა ავალიანის საქმეზე, გიორგი მალანია კვლავ პატიმრობაში რჩება

საქალაქო სასამართლოში გიგა ავალიანის საქმეზე ბრალდებულ გიორგი მალანიას პროცესი გაიმართა.

დაცვის მხარე პატიმრობის გაუქმებას ითხოვდა, რაც მოსამართლემ არ დააკმაყოფილა.

სასამართლომ მტკიცებულებების ნაწილი უდაოდ ცნო.

მალანია 1 ივლისს დააკავეს. თავდაპირველად ცნობილი იყო, რომ მას ბრალად განსაკუთრებით მძიმე დანაშაულის შეუტყობინებლობა ედებოდა. თუმცა, 3 ივლისს პროკურატურამ გიორგი მალანიას ბრალდება გიგა ავალიანის სისხლის სამართლის საქმიდან გამოყოფილ საქმეზე, ჯგუფურად ჯანმრთელობის განზრახ მძიმე დაზიანებაში დახმარების ფაქტზე წარუდგინა. მას 13 წლამდე თავისუფლების აღკვეთა ემუქრება.