თელავის მერი სასოფლო-სამეურნეო დანიშნულების მაღაზიაში იმყოფებოდა და არსებულ ვითარებას ადგილზე გაეცნო

თელავის მუნიციპალიტეტის მერი, შოთა ნარეკლიშვილი თელავში არსებულ ერთ-ერთ სასოფლო-სამეურნეო დანიშნულების (შხამქიმიკატების) მაღაზიაში იმყოფებოდა და არსებულ ვითარებას ადგილზე გაეცნო.

მაღაზია იხსნება ფერმერებისთვის ხელსაყრელი დროის შესაბამისად, რათა მათ გადაადგილებისთვის განკუთვნილი დროის მონაკვეთში შეძლონ საჭირო სასუქისა თუ ვენახის შესაწამლად აუცილებელი პრეპარატების შეძენა.

ფერმერების განცხადებით, აუცილებელია მოქაქეების მხრიდან საგანგებო მდგომარეობის გათვალისწინება. მათივე თქმით, ხელისუფლების მიერ მათთვის გადაადგილებაზე გამონაკლისის დაწესება დროული იყო.

რეგიონებში სასოფლო-სამეურნეო სამუშაოების განხორციელების მიზნით, ხელისუფლებამ მოსახლეობის ავტომობილებით გადაადგილებისათვის გამონაკლისი დაუშვა და 22 აპრილიდან დილის 06:00-დან 08:00 საათამდე, ხოლო საღამოს 18:00-დან 19:00 საათამდე ფერმერებსა და მევენახეებს გადაადგილების საშუალება მიეცათ.