არჩილ გორდულაძე საკონსტიტუციო სარჩელზე: ოპოზიცია ელემენტარულ ტყუილებზე აგებს თავიანთ დაცვის პოზიციას. ფაქტებს ისინი ვერაფრით უპირისპირებენ, გარდა ტყუილების თქმისა

ელემენტარულ ტყუილებზე აგებენ თავიანთ დაცვის პოზიციას. ფაქტებს ისინი ვერაფრით უპირისპირებენ, გარდა ტყუილების თქმისა, - განაცხადა იურიდიული კომიტეტის თავმჯდომარე არჩილ გორდულაძემ საკონსტიტუციო სარჩელზე საუბრისას. მისივე თქმით, ოპოზიციას ტყუილების გარდა სათქმელი არაფერი აქვთ.

„ერთ-ერთი არაკონსტიტუციური პარტიის წარმომადგენელს უთქვამს სულ პუნქტ-პუნქტ დავშლით ამ სარჩელსო და როდესაც პროცესი დასრულდება ასე პუნქტ-პუქტ დაიშლება ის უსუსური თავდაცვის მცდელობა, რომლითაც მაგალითად ლელოელები ამტკიცებენ, რომ ალეკო ელისაშვილი მათთან არაფერ შუაშია, მაშინ როცა მეოცე ნომერი იყო", - აღნიშნა გორდულაძემ.

საქართველოს საკონსტიტუციო სასამართლოში ხუთი პოლიტიკური პარტიის არაკონსტიტუციურად ცნობისა და აკრძალვის შესახებ სარჩელის განხილვა 10 ნოემბრის 12:00 საათზე გაგრძელდება.