ირაკლი კობახიძე: ძალიან ბევრჯერ გავრცელდა ცრუ ინფორმაცია, დეზინფორმაციაზე აგებული განცხადებები „ამნესტი ინთერნეიშენალის“ მხრიდან, ქართველი საზოგადოების თვალში ამ ორგანიზაციამ დაკარგა ნდობა

ძალიან ბევრჯერ გავრცელდა ცრუ ინფორმაცია, დეზინფორმაციაზე აგებული განცხადებები „ამნესტი ინთერნეიშენალის“ მხრიდან, - განაცხადა საქართველოს პრემიერ-მინისტრმა ირაკლი კობახიძემ ჟურნალისტებთან.

როგორც მთავრობის მეთაურმა აღნიშნა, ქართველი საზოგადოების თვალში ამ ორგანიზაციამ, სამწუხაროდ, დაკარგა ნდობა.

„ძალიან ბევრჯერ გავრცელდა ცრუ ინფორმაცია, დეზინფორმაციაზე აგებული განცხადებები ამ ორგანიზაციის მხრიდან, შესაბამისად, ქართველი საზოგადოების თვალში ამ ორგანიზაციამ, სამწუხაროდ, დაკარგა ნდობა. ეს არის რეალობა. აქედან გამომდინარე, მე რუბიოს დამოკიდებულება ამ ორგანიზაციისადმი საერთოდ არ მიკვირს“, - განაცხადა ირაკლი კობახიძემ.