თორნიკე ჭეიშვილი გიორგი ბურჯანაძის, ნინო დოლიძის და გიორგი ონიანის ალენ ბერსესთან შეხვედრაზე: წარსულშიც არაერთხელ გვინახავს მსგავსი მაგალითი და გამოვლინება იმისა, თუ როგორ მოიკიდებენ ხოლმე ტყუილების გუდას ე.წ. მდიდარი ენჯეოების წარმომადგენლები და იქ შესაბამის შეხვედრებზე ცდილობენ როგორღაც ჩირქი მოსცხონ საკუთარ ქვეყანას

წარსულშიც არაერთხელ გვინახავს მსგავსი მაგალითი და გამოვლინება იმისა, თუ როგორ მოიკიდებენ ხოლმე ტყუილების გუდას ე.წ. მდიდარი ენჯეოების წარმომადგენლები და იქ შესაბამის შეხვედრებზე ცდილობენ როგორღაც ჩირქი მოსცხონ საკუთარ ქვეყანას, - განაცხადა გარემოს დაცვისა და ბუნებრივი რესურსების კომიტეტის თავმჯდომარემ თორნიკე ჭეიშვილმა გიორგი ბურჯანაძის, ნინო დოლიძის და გიორგი ონიანის ალენ ბერსესთან შეხვედრაზე საუბრისას.

მისივე თქმით, სავარაუდოდ, საქმე გვაქვს ანალოგიურ მოცემულობასთან.

„შესაძლებლობა იმისა, რომ შეხვედროდნენ ევროსაბჭოს გენერალურ მდივანს ბატონ ალენ ბერსეს, მათ გამოიყენეს იმისთვის, რომ მაქსიმალურად მუქ ფერებში დაეხატათ ქვეყანაში არსებული სიტუაცია“, - აღნიშნა თორნიკე ჭეიშვილმა.

გიორგი ბურჯანაძე, ნინო დოლიძე და გიორგი ონიანი სტრასბურგში ევროპის საბჭოს გენერალურ მდივანს, ალენ ბერსეს შეხვდნენ. ისინი „ქრონიკის“ კითხვებს არ პასუხობენ, მათთვის სასურველ მედიაში კი აცხადებენ, რომ შეხვედრაზე საქართველოსთან დაკავშირებით ნეგატიურ კონტექსტში ისაუბრეს. „ქრონიკა“ იმის გარკვევასაც ცდილობს, ამ კონკრეტულ შემთხვევაში, რომელ ორგანიზაციას წარმოადგენენ გიორგი ბურჯანაძე და ნინო დოლიძე.