თამარ ჩერგოლეიშვილი ოპოზიციის მიერ დამალულ კვლევაზე: უბრალოდ გაითვალისწინეთ, რომ „ფედერალისტები“ ბოკერიათი არ იზომება და არცერთი პროფესიონალი პოლსტერი, რომელსაც რეალობის გაზომვა სურს ჩერგოლეიშვილის დასახელების გარეშე ფედერალისტებს არ გაზომავს, რადგან მე ვარ პარტიის სპიკერი და არა ბოკერია

უბრალოდ გაითვალისწინეთ, რომ „ფედერალისტები“ ბოკერიათი არ იზომება და არცერთი პროფესიონალი პოლსტერი, რომელსაც რეალობის გაზომვა სურს, ჩერგოლეიშვილის დასახელების გარეშე ფედერალისტებს არ გაზომავს, რადგან მე ვარ პარტიის სპიკერი (ბოკერიასვე გადაწყვეტილებით) და არა ბოკერია, - წერს თამარ ჩერგოლეიშვილი კვლევაზე, რომელიც ოპოზიციამ დამალა.

როგორც აღმოჩნდა, თამარ ჩერგოლეიშვილს აღნიშნულ კვლევაში „ფედერალისტების“ რეიტინგი არ მოეწონა.

IRI-ის გამოკითხვით, 8 ოპოზიციურ პარტიას ჯამში 16-პროცენტიანი მხარდაჭერა აქვს, „ქართულ ოცნებას“ კი - 36.

ეს შედეგები კი ოპოზიციამ დამალა. არადა კვლევის ჩატარება საერთაშორისო რესპუბლიკურ ინსტიტუტს თავად დაუკვეთა. მმართველი პარტიის 36% არის ალოკაციის გარეშე, ხოლო ალოკაციით 55% პროცენტი აქვს. აღსანიშნავია, რომ „IRI“ -ის კვლევაში „ქართულ ოცნებას“ ისტორიული მაქსიმუმი აქვს, ხოლო ოპოზიციას - ისტორიული მინიმუმი.

დამალული შედეგები მაინც გასაჯაროვდა და ოპოზიციაშიც ისტერიამ არ დააყოვნა, თუმცა მაინც არ ამბობენ, რატომ დამალეს კვლევის შედეგები.