„ერთიანი ნეიტრალური საქართველო“ რეგიონებში წარმომადგენლობების დაფუძნების კამპანიას ასრულებს
პოლიტიკა
ფოტო: „ერთიანი ნეიტრალური საქართველო“
„ერთიანი ნეიტრალური საქართველო“ რეგიონებში წარმომადგენლობების დაფუძნების კამპანიას ასრულებს.
როგორც პარტიის მიერ გავრცელებულ ინფორმაციაშია ნათქვამი, 12 სექტემბერს გაიმართა სამუშაო შეხვედრა, რომელსაც პარტიის წარმომადგენლები საქართველოს 10 რეგიონიდან ესწრებოდნენ.
„ჩატარდა ტრენინგი პარტიულ-საორგანიზაციო საკითხებზე და მომავალი სამოქმედო გეგმა შემუშავდა.
პარტიის მთავარი ღირებულება მოსახლეობასთან მუდმივი და მჭიდრო კავშირია. აღნიშნული მიმართულებით მნიშვნელოვანი იქნება რეგიონული წარმომადგენლობების ეფექტიანი ფუნქციონირება.
„ერთიანი ნეიტრალური საქართველო” ემზადება 2028 წლის საპარლამენტო არჩევნებისთვის და აქვს ჯანსაღი ამბიცია, რომ საკუთარი წვლილი შეიტანოს ქვეყანაში ახალი პოლიტიკური სისტემის ჩამოყალიბებაში“, - აღნიშნულია ინფორმაციაში.
