მამუკა მდინარაძე დმანისში მომხდარ დაპირისპირებაზე: თუკი რამე მოხდა იმ რეგიონში, ყველაფერი დაიწყო და დამთავრდა ჩვენს შტაბთან

დამანისში რამდენიმე ნასვამი ადამიანი მივარდა ჩვენს შტაბთან, მოხდა გასროლა. რატომ ხდება, რომ სულ, გამონაკლისის გარეშე, ყველა ასეთი შემთხვევა ჩვენს შტაბთან ხდება, - ამის შესახებ პარლამენტის თავმჯდომარის მოადგილემ, მამუკა მდინარეძემ იმედის გადაცემა „ღია ეთერში“ განაცხადა.

„ხანდახან ჩვენებიც ძალიან ცუდად იქცევიან. 2-3 შეთხვევა გვქონდა, არ გავამართლებ არასდროს, მაგრამ ყველა მათგანი, უკლებლივ იწყება პროვოკაციით,, იწყება ჩვენს შტაბთან და თუკი რამე იმ რეგიონში მოხდა, ყველაფერი დაიწყო და დამთავრდა ჩვენს შტაბთან“- განაცხადა მამუკა მდინარაძემ.

რამდენიმე საათის წინ დმანისში, „ქართული ოცნების“ საარჩევნო შტაბთან ორმხრივი სროლისას ოთხი ადამიანი დაიჭრა.