ახალი ამბები იმედზე

საიტი მუშაობს სატესტო რეჟიმში

არჩილ თალაკვაძე: ძალიან მკაფიო გზავნილები მივიღეთ ჩვენი კოლეგებისგან, რომ გვაქვს ძალიან დიდი მხარდაჭერა რეფორმებში, დემოკრატიისა და უსაფრთხოების გაძლიერებაში

08 თებერვალი 2020, 16:54 / სანდო წყარო

არჩილ თალაკვაძე

არჩილ თალაკვაძე

საქართველოს პარლამენტის თავმჯდომარემ, არჩილ თალაკვაძემ „ამერიკის ხმასთან“ ინტერვიუში საარჩევნო სისტემაზეც ისაუბრა. მისი შეფასებით, დასკვნის მიხედვით გამოდის, რომ ოპოზიციის მოთხოვნები, როდესაც არჩევნებამდე რამდენიმე თვეა დარჩენილი, ეუთოს და ოდირისთვის მიუღებელია.

თალაკვაძის განცხადებით, დასკვნაში შავით თეთრზე, ძალიან გარკვევით წერია, რომ რეკომენდაციაა, ქვეყანამ ხელი არ ახლოს საერთოდ სერიოზულ საარჩევნო ცვლილებებს არჩევებამდე მინიმუმ ერთი წლით ადრე. 

პარლამენტის თავმჯდომარის თქმით, ეუთოს რეკომენდაციებზე მუშაობა ხელისუფლებას დაწყებული აქვს უკვე ერთი წელია; ოპოზიციაც იყო ამ პროცესის მონაწილე და  რეკომენდაციები და მათთან დაკავშირებული ნაბიჯები პარტნიორებმაც იციან.

რაც შეეხება აშშ-ში მიღებულ გზავნილებს, არჩილ თალაკვაძის განცხადებით, ძალიან მკაფიო გზავნილებია კოლეგების მხრიდან, რომ საქართველოს აქვს ძალიან დიდი მხარდაჭერა რეფორმებშიც, დემოკრატიის და უსაფრთხოების გაძლიერებაში და ყველა გეგმაში, რომელიც ორმხრივი თანამშრომლობის ფარგლებში არსებობს. 

„ამ შეხვედრებმა ნათლად მაჩვენა, რომ საქართველოს, ჩვენს საზოგადოებას, ხელისუფლებას აქვს აშშ-ს მხრიდან ძალიან ძლიერი მხარდაჭერა“, - განაცხადა საქართველოს პარლამენტის თავმჯდომარე არჩილ თალაკვაძემ „ამერიკის ხმის“ ეთერში.

პარლამენტის თავმჯდომარის განცხადებით, კონგრესმენებს რასაკვირველია არ ჰქონიათ და არ აქვთ ინფორმაციის მიღების პრობლემა. პრობლემა მდგომარეობს იმაში, თუ რა  მიზნით იყენებს ესა თუ ის პოლიტიკური ძალა ლობისტურ კომპანიას.

„სიმართლე არის ის რომ კონგრესმენებს არ აქვთ ინფორმაციის მიღების პრობლემა და წარსულშიც არ მგონია ამის პრობლემა ჰქონოდათ. რაც შეეხება ლობისტურ კომპანიებს, აქ თვითონ ლობისტური კომპანიის აყვანა კონტრაქტით კი არ არის პრობლემა, არამედ თუ რაში იყენებს ესა თუ ის პოლიტიკური ძალა ლობისტურ კომპანიას. აქ გამოიკვეთა ის, რომ „ნაციონალური მოძრაობა“ და სხვა პარტიებიც შესაძლოა, ლობისტურ კომპანიებს და თავის გავლენებს აქ, ვაშინგტონში იყენებენ იმაში, რომ შეულახონ იმიჯი მომავალ არჩევნებს, თავის ქვეყანას, მთავრობას და ამის ხარჯზე სცადონ იმის დაბალანსება, რომ ქვეყანაში, სადაც მათ უნდა ჩაატარონ კამპანია, ელაპარაკონ თავის მოქალაქეებს. ამ საუკუნეში ინფორმაციის მოპოვება არც ერთი კონგრესმენისთვის არ არის პრობლემა“, - განაცხადა არჩილ თალაკვაძემ.

მისივე თქმით, სენატორებს და კონგრესმენებს გამოუჩნდათ საქართველოში მთარგმნელები ოპოზიციის მხრიდან, რომლებმაც ეს წერილები ისე თარგმნეს, თითქოს საქართველო კარგავს ამერიკის მხარდაჭერას და რომ თითქოს ამ ხელისუფლებასთან აღარ აპირებს ამერიკა თანამშრომლობას, რაც პარლამენტის თავმჯდომარის განცხადებით, სიცრუეა.

„ბატონი ივანიშვილის განცხადება იყო აბსოლუტურად არასწორად ინტერპრეტირებული ქართულ მედიაში, ჩემი პასუხი ამასთან დაკავშირებით იყო ძალიან პირდაპირი. ჩვენ გვაქვს კანონის უზენაესობა და გვსურს რომ მომავალში კანონის უზენაესობა იყოს უფრო ძლიერი, შესაბამისად, თუ ადამიანი დანაშაულს ჩაიდენს და არღვევს კანონს, მან უნდა აიღოს პასუხისმგებლობა და პასუხი აგოს დანაშაულისთვის, ამისგან დამცავი ვერ იქნება ვერც მედია ორგანიზაციის დაფუძნება, დარეგისტრირება და გაფორმება მის ხელძმღცანელად, ვერც პოლიტიკური პარტიის დარეგისტრირება. კანონის უზენაესობა გულისხმობს იმას, რომ ნებისმიერი ადამიანი, თუ მან დააღვია კანონი, მიუხედავად სტატუსისა, აგებს პასუხს“, - განაცხადა არჩილ თალაკვაძემ.

მევლუთ ჩავუშოღლუ

თურქეთი რუსეთს იდლიბში საბრძოლო მოქმედებების შეწყვეტისკენ მოუწოდებს

რუსეთი და თურქეთის სირიის სამოქალაქო კონფლიქტი აქტიურად მონაწილეობენ. მოსკოვი მხარს პრეზიდენტ ბაშარ ასადს უჭერს, თურქეთი კი მეამბოხეებს. კონფლიქტის ბოლო ეტაპმა იდლიბის პროვინციაში გადაინაცვლა, სადაც ასადის ჯარს რუსული ავიაცია ეხმარება.

16.02.2020 20:25

კახა კალაძე

კახა კალაძე: „სითი პარკისგან“ ტექნიკასთან ერთად, 50 ათასი მოქალაქის ჯარიმა გადმოვიბარეთ

„წამოვიღეთ 50 ათასი მოქალაქის ვალი, ჯარიმა, რომელიც დღეს არის ჩვენი საკუთრება და ამასთან დაკავშირებით უახლოეს მომავალში საზოგადოებას მივაწვდით განცხადებას“, - აღნიშნა დედაქალაქის მერმა.

16.02.2020 15:33

კახა კალაძე

კახა კალაძე ვანო მერაბიშვილზე: ამ ადამიანმა მოიხადა სასჯელი და თავისი გადასაწყვეტია, რა მიმართულებით გააგრძელებს ცხოვრებას

თბილისის მერმა გადაცემა „კვირის თემაში“ ყოფილი შინაგან საქმეთა მინისტრის, ვანო მერაბიშვილის გათავისუფლებაზე გააკეთა კომენტარი. ვანო მერაბიშვილი საპატიმროს შემდეგ კვირაში დატოვებს.

16.02.2020 15:30

კახა კალაძე

კახა კალაძე: ოპოზიციას რეზოლუციაში არასწორი ინფორმაციის შეტანა სურდა, ამ გეგმის ჩაშლის შემდეგ კი ყველაფერი გააკეთეს, რომ სხდომა რეზოლუციის გარეშე დასრულებულიყო

საქართველო-ევროკავშირის სხდომის რეზოლუციის გარეშე მიღება ოპოზიციის ქმედებებმა განაპირობა, - ამის შესახებ „ქართული ოცნების“ გენერალურმა მდივანმა გადაცემა „კვირის თემაში“ განაცხადა.

16.02.2020 15:29

ჰასან როუჰანი

როუჰანი აშშ-სთან წნეხის ქვეშ მოლაპარაკებების წარმოებაზე უარს აცხადებს

„ირანი არასოდეს წავა მოლაპარაკებებზე იძულებით. არასოდეს დავემორჩილებით ამერიკის წნეხს და სისუსტის პოზიციიდან დიალოგს არ წარვმართავთ. ამერიკის „მაქსიმალური წნეხის“ პოლიტიკა ირანის მიმართ განწირულია“, - განაცხადა მან.

16.02.2020 15:25

კორონავირუსი

ტაივანზე კორონავირუსით გარდაცვალების პირველი შემთხვევა დაფიქსირდა

აივანის ჯანდაცვის სამინისტროში განმარტეს, რომ გარდაცვლილი 61 წლის კაცს დიაბეტი და ჰეპატიტი ბ ჰქონდა. ბოლო დროს მას ქვეყანა არ დაუტოვებია, მისი კლიენტები კი ძირითადად ჰონგ-კონგელი ტურისტები იყვნენ. სპეციალისტებმა ჯერჯერობით ვერ დაადგინეს ვისგან გადაედო.

16.02.2020 15:23

ელიზბარ ოდიკაძემ ევროპის ჩემპიონატზე ბრინჯაოს მედალი მოიპოვა

თავისუფალი სტილით ჭიდაობაში მიმდინარე ევროპის ჩემპიონატზე საქართველოს პირველი მედალი ელიზბარ ოდიკაძემ მოუტანა. 97 კილოგრამ წონით კატეგორიაში ოდიკაძე ბრინჯაოს მედალს დაეუფლა.

16.02.2020 00:20

არჩილ თალაკვაძე

არჩილ თალაკვაძე: ვერავინ ეტყვის საქართველოს, რომ ნულოვანი მხარდაჭერის მქონე და დანაშაულებზე პასუხისმგებელი ოპოზიცია შეიყვანოს პარლამენტში

პარლამენტის თავმჯდომარის თქმით, საქართველოს პარტნიორები ხედავენ, რაზეა წამსვლელი ქვეყანაში ოპოზიციის დესტრუქციული ნაწილი. 

15.02.2020 22:34

ილჰამ ალიევი და ნიკოლ ფაშინიანი

ფაშინიანი ალიევს: ნუ ჩაეძიებით ისტორიას, ვინაიდან როდესაც სომხეთის მეფე ტიგრან დიდი მოლაპარაკებებს აწარმოებდა პომპეუსთან, მსოფლიოში სახელმწიფო აზერბაიჯანი არ არსებობდა

მიუნხენის უსაფრთხოების კონფერენციის ფარგლებში ნიკოლ ფაშინიანსა და ილჰამ ალიევს შორის გამართული დებატების ფარგლებში, სომხეთის პრემიერმა აზერბაიჯანის პრეზიდენტს ურჩია მთიანი ყარაბაღის საკითხის განხილვისას ისტორიას არ ჩაეძიოს.

15.02.2020 22:14

მაიკ პომპეო

აშშ ევროპის რუსულ გაზზე დამოკიდებულების შესამცირებლად მილიარდ დოლარს გამოყოფს

შესაბამისი განცხადება მიუნხენის უსაფრთხოების კონფერენციაზე აშშ-ის სახელმწიფო მდივანმა მაიკ პომპეომ გააკეთა. 

15.02.2020 22:01

არჩილ თალაკვაძე

არჩილ თალაკვაძე: ოპოზიცია გიგი უგულავას დაკავების პოლიტიკური მიზნებისთვის გამოყენებას ცდილობს

ოპოზიცია გიგი უგულავას დაკავების პოლიტიკური მიზნებისთვის გამოყენებას ცდილობს, - ამის შესახებ არჩილ თალაკვაძემ „შაბათის ქრონიკაში“ განაცხადა. პარლამენტის თავმჯდომარის თქმით, დესტრუქციული ძალები სახელმწიფოს ულტიმატუმს უყენებდნენ. 

15.02.2020 21:30

არჩილ თალაკვაძე

არჩილ თალაკვაძე აშშ-დან მიღებულ კრიტიკულ წერილებს საქართველოსადმი ინტერესით და ნდობით ხსნის

ამის შესახებ „შაბათის ქრონიკაში“ პარლამენტის თავმჯდომარე არჩილ თალაკვაძემ განაცხადა. მისი თქმით, არავინ მისწერს წერილს ადამიანს, თუ არ აქვს იმის მოლოდინი, რომ მას საკითხების გადაჭრა შეუძლია. 

15.02.2020 20:57

დავით ზალკალიანი

დავით ზალკალიანი ნატოზე: მე არ ვიცი კიდევ როგორ დავაკაკუნოთ

დავით ზალკალიანმა მიუნხენის უსაფრთხოების კონფერენციაზე საქართველოსა და ნატოს ურთიერთობებზე გააკეთა კომენტარი. საგარეო საქმეთა მინისტრმა აღნიშნა, რომ თბილისი თანამშრომლობის ყველა ფორმატს აქტიურად იყენებს და ამას თავისი შედეგი მოაქვს. 

15.02.2020 19:54

ირაკლი ბერაია

ირაკლი ბერაია: საქართველოს ნატოში გაწევრიანება ევროატლანტიკური უსაფრთხოების განმტკიცებას შეუწყობს ხელს

მისი თქმით, თავდაცვის, უსაფრთხოების სფეროში და პირველ ყოვლისა დემოკრატიული რეფორმების გატარების შედეგად, ალიანსმა გაზარდა საქართველოს პოლიტიკური და პრაქტიკული მხარდაჭერა.

15.02.2020 18:27

Diamond Princess

აშშ კორონავირუსის გამო კარანტინზე მყოფი საკრუიზო ლაინერიდან თავისი მოქალაქეების ევაკუაციას განახორციელებს

ბოლო მონაცემებით, ჩინეთში კორონავირუსით გარდაცვლილთა საერთო რაოდენობამ 1523-ს მიაღწია, კორონავირუსით ინფიცირების დადასტურებული შემთხვევების რაოდენობა კი 66 492-მდე გაიზარდა. 

15.02.2020 18:02

მსგავსი სიახლეები

არჩილ თალაკვაძე

არჩილ თალაკვაძე: ნებისმიერი კონგრესმენის შეფასება, იქნება ის დადებითი თუ კრიტიკული, ეს ჩვენი მეგობრების აზრია

14.02.2020 12:19

არჩილ თალაკვაძე

არჩილ თალაკვაძე: ჩვენ შევძელით შესაძლებლობის გამოყენება და დღეს, კონგრესში ჩვენს კოლეგებს ჩვენი არგუმენტების და გეგმების შესახებ ამომწურავი ინფორმაცია აქვთ

08.02.2020 14:59

კონგრესმენი ადამ კინზინგერი: ჩვენი შეშფოთება არ უნდა გაიგოთ როგორც ბრაზი ან იმედგაცრუება, არამედ უნდა აღიქვათ მეგობრულ ურთიერთობად

06.02.2020 21:57

დავით ზალკალიანი

დავით ზალკალიანი აშშ-ში ვიზიტზე: ეს იქნება კარგი საშუალება, სტრატეგიულ პარტნიორთან ყველაფერზე გულწრფელად ვისაუბროთ

04.02.2020 23:56

ირაკლი კობახიძე: რეზოლუციის პროექტიდან სიტყვა „პროპორციული“ ამოღებულია

31.01.2020 14:36

მმართველმა გუნდმა კონგრესმენებისთვის ინფორმაციის მიწოდების მიზნით აშშ-ში შეხვედრები დაგეგმა

27.01.2020 17:14

კახა კალაძე

კახა კალაძე ვანო მერაბიშვილზე: ამ ადამიანმა მოიხადა სასჯელი და თავისი გადასაწყვეტია, რა მიმართულებით გააგრძელებს ცხოვრებას

16.02.2020 15:30

ახლა იმედის პირდაპირ ეთერში

{{notification.item.date}} {{notification.item.title}}

{{notification.item.description}}

უყურე LIVE