ბან გი მუნი სამხრეთ კორეის პრეზიდენტობისთვის იბრძოლებს

გაერო-ს გენერალურმა მდივანმა, რომელსაც უფლებამოსილების ვადა 2017 წლის 1 იანვარს ეწურება, მიანიშნა, რომ შესაძლოა, სამხრეთ კორეის პრეზიდენტობისთვის იბრძოლოს.

ბან გი მუნმა შეკითხვაზე, აქვს თუ არა საპრეზიდენტო ამბიციები, პირდაპირ პასუხს თავი აარიდა - “სამშობლოში დავბრუნდები. იქ სიტუაცია ძალიან რთულია. ვფიქრობ, როგორ დავეხმარო საკუთარ ქვეყანას".

სამხრეთ კორეის პარლამენტმა პრეზიდენტის იმპიჩმენტს მხარი დეკემბრის დასაწყისში დაუჭირა.

პაკ კინ ხეს კორუფციაში ადანაშაულებენ.

საკონსტიტუციო სასამართლომ გადაწყვეტილება 6 თვის განმავლობაში უნდა მიიღოს.

მანამდე კი, ქვეყანას პრემიერი მართავს.

ბან კი მუნი გაერო-ს გენმდივანი ზედიზედ ორი ვადით იყო. მან კოფი ანანი 2007 წლის იანვარში შეცვალა. 2017 წლის 1 იანვრიდან კი, პოსტს პორტუგალიელ ანტონიუ გუტერეშს გადააბარებს.