თბილისის ოპერისა და ბალეტის სახელმწიფო თეატრში ილია მეორის ხსოვნისადმი მიძღვნილი კონცერტი გაიმართა

კულტურის სამინისტროსა და „შემოქმედებითი საქართველოს“ მხარდაჭერით, თბილისის ოპერისა და ბალეტის სახელმწიფო თეატრში კონცერტი გაიმართა, რომელიც უწმინდესისა და უნეტარესის, სრულიად საქართველოს კათოლიკოს-პატრიარქის, ილია II-ის ხსოვნასა და საქართველოს სულიერ და კულტურულ ცხოვრებაში მის განსაკუთრებულ ღვაწლს მიეძღვნა.

კონცერტში მონაწილეობდნენ - თბილისის ოპერისა და ბალეტის სახელმწიფო თეატრის ორკესტრი, აფხაზეთის სახელმწიფო კაპელა, გორის ქალთა კამერული გუნდი და სამების კათედრალის საპატრიარქო/სახელმწიფო კამერული გუნდი.

კონცერტზე იოჰან სებასტიან ბახის “შემიწყალე მე ღმერთო ჩემო“, ვოლფგანგ ამადეუს მოცარტის“ გიხაროდენ ჭეშმარიტო, სხეულით შობილო მარიამისგან” და “რექვიემი” შესრულდა.