ბათუმის საერთაშორისო არტ-ჰაუს კინოფესტივალზე ჟიურიმ გამარჯვებულები რამდენიმე ნომინაციაში გამოავლინა

ბათუმის საერთაშორისო არტ-ჰაუს კინოფესტივალზე, ჟიურიმ გამარჯვებულები რამდენიმე ნომინაციაში გამოავლინა. „ბიაფის“ გრან-პრი ლენს ჰამერის ფილმმა „დედოფალი ზღვასთან“ მოიპოვა. საუკეთესო რეჟისორად ლევან კოღუაშვილი დასახელდა, საუკეთესო მამაკაცი მსახიობის ნომინაციაში კი ფილმის „გურია“ მთავარი როლის შემსრულებელმა კახა ჭოლაძემ გაიმარჯვა. საუკეთესო მსახიობი ქალის ჯილდო ბრიტანელმა მსახიობმა ანა კეპლერ მარშალმა მიიღო. საუკეთესო მოკლემეტრაჟიან ფილმად მო ჰარავეს „მწველი სურნელის ჩურჩული“ დასახელდა. რამდენიმე ჯილდოს მფლობელი გახდა გიორგი ოვაშვილის „მთვარე მამაა ჩემი“.

„ბიაფის“ სპეციალური პრიზი კინოში შეტანილი განსაკუთრებული წვლილისთვის ბრიტანელ პროდიუსერს მაიკ დაუნის და ქართველ რეჟისორ თემურ ბაბლუანს გადაეცათ.

ბათუმში 8 დღის განმავლობაში 100-მდე ფილმის ჩვენება მოეწყო. ფესტივალის ფარგლებში მაყურებელმა ქართული კინომემკვიდრეობის აღდგენილი ფილმები და ანიმაციებიც ნახა.