მიხეილ სარჯველაძე გაეროს გენერალური ასამბლეის ფარგლებში პანდემიის პრევენციის, მზადყოფნისა და რეაგირების საკითხებზე გამართულ მაღალი დონის შეხვედრაზე სიტყვით გამოვა

ჯანდაცვის მინისტრი მიხეილ სარჯველაძე გაეროს გენერალური ასამბლეის ფარგლებში პანდემიის პრევენციის, მზადყოფნისა და რეაგირების საკითხებზე გამართულ მაღალი დონის შეხვედრაზე სიტყვით გამოვა - შეხვედრა ამ მიმართულებით საერთაშორისო თანამშრომლობის გაძლიერებას დაეთმობა.

მინისტრი ნიუ-იორკში გაეროს გენერალური ასამბლეის 81-ე სესიის ფარგლებში გამართულ მაღალი დონის შეხვედრებსა და საერთაშორისო ღონისძიებებში მონაწილეობს. მინისტრმა, თანათავმჯდომარის რანგში, საყოველთაო ჯანმრთელობის დაცვის საკითხებზე მეგობართა ჯგუფის მინისტერიალში საქართველოს გამოცდილებასა და ამ მიმართულებით ქვეყანაში განხორციელებულ რეფორმებზე ისაუბრა.

ვიზიტის ფარგლებში მიხეილ სარჯველაძე ასევე დაესწრო ინსულტის ტვირთის შემცირების საკითხზე გამართულ შეხვედრას და სხვადასხვა საერთაშორისო ორგანიზაციის წარმომადგენლებს შეხვდა. დაგეგმილია ორმხრივი შეხვედრები სხვადასხვა ქვეყნის მთავრობისა და ჯანდაცვის უწყებების წარმომადგენლებთან.