19 მაისიდან საფრანგეთში კორონავირუსის საწინააღმდეგო შეზღუდვების შემსუბუქება დაიწყება

19 მაისიდან საფრანგეთში კორონავირუსის საწინააღმდეგო შეზღუდვების შემსუბუქება დაიწყება. კერძოდ, შეზღუდვების შემსუბუქების ფარგლებში, გაიხსნება ბარები, რესტორნები, მუზეუმები და კინოთეატრები.

გარდა ამისა, კომენდანტის საათი 19 მაისიდან 19:00 საათის ნაცვლად 21:00 საათზე ამოქმედდება.

აღსანიშნავია, რომ რესტორნებს, კაფეებსა და ბარებს ღია ტერასების გახსნის ნებართვას დართავენ. საფრანგეთის პრეზიდენტის განცხადებით, შეზღუდვების შემსუბუქება ვაქცინაციის დაწყების შემდეგ გახდა შესაძლებელი.

პანდემიის დაწყებიდან დღემდე, საფრანგეთში კორონავირუსის 5 592 390 შემთხვევა დადასტურდა, ხოლო 104 253 ადამიანი გარდაიცვალა.