თენგიზ ცერცვაძე ბათუმში კლინიკა „მედალფაში“ იმყოფებოდა და მდგომარეობას ადგილზე გაეცნო

ინფექციური საავადმყოფოს დირექტორი, თენგიზ ცერცვაძე ბათუმში იმყოფება. იგი მდგომარეობის შესასწავლად კლინიკა „მედალფას“ ესტუმრა, სადაც ამ დროისთვის კორონავირუსს 31 პაციენტი მკურნალობს.

„„მედალფა“ არის ერთ-ერთი საუკეთესო კლინიკა საქართველოში, სადაც კოვიდს მკურნალობენ უმაღლესი საერთაშორისო სტანდარტების დონეზე, ყველა გაგებით. ყველა პაციენტს გამოკვლევა უტარდება უმოკლეს დროში. ყველა პაციენტს დანიშნული აქვს მისთვის ოპტიმალური თერაპია. მუდმივ კონტაქტში არიან ჩვენთან და ერთობლივად ხდება გადაწყვეტილებების მიღება. ეს კლინიკა ასევე გამოირჩევა ინოვაციური მიდგომით. აქაური ექიმები იყენებენ ყველა სიახლეს, რაც კი არსებობს მსოფლიოში და ნებადართულია ოფიციალურად“, - განაცხადა თენგის ცერცვაძემ.

მისივე თქმით, 300 ინფიცირებული არ არის ის რაოდენობა, რომელსაც სახელმწიფო ვერ გავუმკლავდეა. ცერცვაძის პროგნოზით, საქართველოში ინფიცირებულთა მატება იქნება დღეში რამდენიმე ათეული და ის რაც მოხდა ევროპაში ჩვენთან არ მოხდება.

„გავიჭირვოთ იმაზე მეტად ვიდრე დღეს გვიჭირს და უფრო მალე გავთავისუფლდებით ამ შეზღუდვებისგან“, - მოუწოდა თენგიზ ცერცვაძემ საზოგადოებას.