ჩამოშლილი გზა

თბილისის მერია მტკვრის მარცხენა სანაპიროზე, კონკრეტულ საგზაო მონაკვეთზე არსებულ პრობლემასთან დაკავშირებით, რომელიც ნაპირსამაგრი ჯებირის დაზიანებას ეხება, დამატებით განმარტებას აკეთებს. დედაქალაქის მუნიციპალიტეტში აცხადებენ, რომ ნაპირსამაგრ ჯებირსა და გზის სავალ ნაწილზე ბზარების გაჩენისთანავე, თბილისის მერიამ სასწრაფო რეაგირება მოახდინა და შეზღუდვების დაწესების შესახებ საზოგადოებასაც აცნობეს. ასევე მოეწყო უსაფრთხოებისთვის საჭირო ინფრასტრუქტურა. უკვე მეორე დღეა შესაბამისი სამსახურები ყველა საჭირო კვლევას ატარებენ. გზის ის ნაწილი კი, სადაც გადაადგილება შესაძლებელია, მერიის ინფორმაციით, სრულიად უსაფრთხოა.